"Bu gün saat 08:27-də paytaxtın Heydər Əliyev prospektində zəncirvari yol-nəqliyyat hadisəsi qeydə alınıb".
Bunu Oxu.Az-a açıqlamasında Bakı Şəhər Dövlət Yol Polisi İdarəsinin (BŞDYPİ) baş inspektoru, polis baş leytenantı Rüstəm Əhmədli deyib.
"Baş vermiş zəncirvari yol-nəqliyyat hadisəsi nəticəsində 10-HO-033 dövlət nömrə nişanlı "Lexus", 90-RZ-626 dövlət nömrə nişanlı "Toyota Prado", 99-TY-590 dövlət nömrə nişanlı "Ford Tranzit", 77-CH-735 dövlət nömrə nişanlı "Toyota Prius", 77-BF-279 dövlət nömrə nişanlı "Hyundai Accent" və üstündə xarici BY 279 YB nömrə nişanı olan "Mercedes-Benz" markalı avtomobillər toqquşub. Avtomobillərə ciddi ziyan dəyib, xəsarət alan olmayıb.
Hadisənin hansı səbəbdən baş verməsi ilə bağlı BŞDYPİ-də araşdırma aparılır", - deyə R.Əhmədli bildirib.
Əzizə İsmayılova
Bu gün səhər saatlarında paytaxtın Heydər Əliyev prospektində zəncirvari yol-nəqliyyat hadisəsi baş verib.
"Qafqazinfo" xəbər verir ki, prospektdə "Toyota Prado" və "Mercedes" markalı avtomobillər toqquşub.
Nəticədə avtomobillər yararsız vəziyyətə düşüb. Həmçinin daha 4 avtomobilə də zərər dəyib.
Hadisə nəticəsində ciddi xəsarət alan olmayıb.
Əraziyə polis əməkdaşları cəlb ediliblər.
Rəylər