Filippində daha iki yeni meymunçiçəyinə ("mpox") yoluxma halı qeydə alınıb və bununla da ölkədə aktiv xəstələrin sayı üçə çatıb.
Oxu.Az-ın "Xinhua" nəşrinə istinadən xəbərinə görə, bu barədə ölkənin Səhiyyə Nazirliyi (DOH) məlumat yayıb.
DOH sözçüsü Albert Dominqonun sözlərinə görə, yeni yoluxma 37 yaşlı bir kişidə və Manila aqlomerasiyasından olan 32 yaşlı bir kişidə aşkarlanıb. 37 yaşlı kişi hazırda xəstəxanadadır, 32 yaşlı kişi isə evdə dəri nümunəsi testinin təsdiqedici nəticəsini gözləyir.
"Hər ikisində "MPXV Clade II" mövcuddur ki, bu da "mpox" virusunun daha yumşaq formasıdır", - deyə Dominqo bildirib.
O əlavə edib ki, hər iki halın keçən həftə 33 yaşlı kişidə aşkarlanan 2024-cü ilin ilk aktiv hadisəsi epidemioloji əlaqəsinin olub-olmadığı hələ müəyyən edilməyib.
Qeyd edək ki, yeni "mpox" hallarının aşkarlanması ilə Filippində 2022-ci ilin iyul ayından bəri 12 yoluxma qeydə alınıb.
"2023-cü ildən bəri doqquz nəfər artıq çoxdan sağalıb. Üç hal aktivdir, simptomların kənarlaşmasını gözləyir", - deyə Dominqo bildirib.
Məlumata görə, "mpox" yoluxmuş şəxslərlə yaxın və intim əlaqə zamanı ötürülə bilər.
"Mpox"un geniş yayılmış əlamətləri arasında səpgi, qızdırma, baş ağrısı, əzələ ağrısı, bel ağrısı, gücdən düşmə və limfa düyünlərinin şişməsini göstərmək olar.
Xatırladaq ki, avqustun 14-də Ümumdünya Səhiyyə Təşkilatı "mpox" epidemiyasını ictimai sağlamlıq sahəsində beynəlxalq narahatlıq doğuran fövqəladə vəziyyət elan edib.
Rəylər