İranda dəhşətli qəza: Yük maşını 10-dan çox avtomobilin üstündən keçdi

İranda bu gün zəncirvari qəza baş verib. Hadisə nəticəsində ölən və yaralananlar var.

Bu barədə "Azad İran" "Telegram" kanalı Tehran şəhər Bələdiyyəsinin Yanğından Mühafizə və Təhlükəsizlik Xidməti İdarəsinin sözçüsü Cəlal Məlekiyə istinadla xəbər verib.

Onun sözlərinə görə, dəhşətli qəza Tehranda baş verib - Estəxr küçəsində daşdaşıyan yük maşını 11 avtomobillə toqquşub.

Hadisə nəticəsində bir qadın həyatını itirib, daha dörd nəfər ağır şəkildə yaralanıb. Yaralılardan üçü kişi, biri isə üç yaşlı qızdır.

Qəzanın səbəbləri araşdırılır.