Paris-2024: Əbülfəz Abuzərli təsəlli görüşlərində mübarizə aparacaq

Paris-2024 Yay Paralimpiya Oyunlarının K44 növündə mübarizə aparan Əbülfəz Abuzərli ¼ finalda məğlub olub.

Oxu.Az xəbər verir ki, 1/4 finaldakı rəqibi Luis Najeraya (Meksika) 3:6 hesabı ilə məğlub olan Əbülfəz Abuzərli bürünc medal uğrunda mübarizəni davam etdirəcək.

13:21

Parataekvondoçu Əbülfəz Abuzərli K44 kateqoriyasının 1/8 final mərhələsində filippinli rəqibini məğlub edib.

Oxu.Az xəbər verir ki, 80 kq çəki dərəcəsində mübarizə aparan təmsilçimiz Allan Qanapini 12:9 hesabı ilə məğlub edərək növbəti mərhələyə yüksəlib.

12:22

Bu gün Paris Olimpiadasında parataekvondoçuların mübarizəsinə yekun vurulacaq. Son gündə dayanq üzərinə çıxacaq idmançımız Əbülfəz Abuzərlinin K44 kateqoriyasının 1/8 final mərhələsində rəqibi müəyyənləşib.

Oxu.Az xəbər verir ki, 80 kq çəki dərəcəsində mübarizə aparan parataekvondoçumuz Əbülfəz Abuzərli Allain Qanapin (Filippin) ilə qarşılaşacaq.

Görüş saat 12:53-də başlayacaq.

Qeyd edək ki, parataekvondo millimizin heyətində İmaməddin Xəlilov (70 kq, K44) qızıl, Sabir Zeynalov (58 kq, K44) bürünc medal qazanıblar.