"Səbail" öz rekordunu təkrarlayıb

"Səbail" Azərbaycan çempionatlarında özünün ən böyükhesablı qələbə rekordunu təkrarlayıb.

Oxu.Az Peşəkar Futbol Liqasının Mətbuat Xidmətinə istinadla xəbər verir ki, bu, Azərbaycan Premyer Liqasının IV turunun "Kəpəz"lə ev görüşündə gerçəkləşib.

Paytaxt təmsilçisi "Kəpəz"lə ev matçında 4 cavabsız qolla qalib gəlib.

"Səbail" tarixində ikinci dəfə Premyer Liqa matçında 4 top fərqi ilə qalib gəlib. 2018-ci il noyabrın 10-da "Sabah"la qarşılaşmada da 4:0 hesabına sevinən "dənizçilər" həmin vaxt səfərdə qələbə qazanıblar.

Həmin nəticəni təkrarlayan "Səbail" bu dəfə evdə ən böyükhesablı qələbəsini rəsmiləşdirib.