"Zirə" UEFA Konfrans Liqasında növbəti oyununu keçirib.
Oxu.Az-ın məlumatına görə, Rəşad Sadıqovun baş məşqçisi olduğu komanda III təsnifat mərhələsinin cavab matçında Bakıda Xorvatiyanın "Osiyek" klubu ilə qarşılaşıb.
"Liv Bona Dea Arena"dakı matçda qalib müəyyənləşməyib - 2:2.
Qonaqlardan 37-ci dəqiqədə Vedran Yuqoviç fərqlənib. 54-cü dəqiqədə penaltini dəqiq yerinə yetirən Qismət Alıyev hesabı bərabərləşdirib. 81-ci dəqiqədə Anton Matkoviç xorvatların ikinci qolunu vurub. 90-cı dəqiqədə Davit Volkov adını tabloya yazdıraraq hesabı yenidən bərabərləşdirib.
Səfərdəki ilk görüşdə 1:1 hesablı heç-heçə qeydə alındığı üçün əlavə vaxt oynanılıb. 30 dəqiqə ərzində qapılara qol vurulmadığından penaltilər seriyasına keçilib. Burada daha dəqiq olan "Zirə" (2:1) tarixində ilk dəfə pley-off mərhələsinə yüksəlib. Komanda bu raundda Kiprin "Omoniya" kollektivi ilə görüşəcək.
UEFA Konfrans Liqasının III təsnifat mərhələsinin cavab görüşündə "Sabah" İrlandiyanın "Sent Patriks Atletik" klubu ilə qarşılaşıb.
Oxu.Az xəbər verir ki, Masazırdakı "Bank Respublika Arena"da keçirilən matçda meydan sahibləri 0:1 hesabı ilə məğlub olub.
Yeganə qolu 48-ci dəqiqədə Zakari Elbuzedi "Sabah"ın qapısından keçirib.
Qeyd edək ki, İrlandiyada keçirilmiş ilk oyunda da 0:1 hesabı ilə məğlub olan "Sabah" Konfrans Liqasında mübarizəni dayandırıb.
Bu gün UEFA Konfrans Liqasında III təsnifat mərhələsinin cavab görüşlərində "Sabah" İrlandiyanın "Patriks" klubunu, "Zirə" isə Xorvatiya "Osiyek"ini qəbul edəcək.
Oxu.Az xəbər verir ki, İrlandiyada keçirilən görüşdə minimal hesabla məğlub olan "Sabah" (0:1) bu gün doğma meydanda azarkeşlərini sevindirməyə çalışacaq. "Zirə" də son dəqiqədə Rafael Utziqin penaltidən vurduğu qolla məğlubiyyətdən xilas olaraq növbəti mərhələyə yüksəlmə şansını bərabərləşdirdiyindən meydana qələbə əzmi ilə çıxacaq.
Qeyd edək ki, "Sabah" "Patrik"lə "Bank Respublika Arena"da saat 20:00-da, "Zirə" isə "Osiyek"lə "Dalğa Arena"da saat 20:30-da üz-üzə gələcək.
15 avqust
UEFA Konfrans Liqası
III təsnifat mərhələsi
"Sabah" - "Patriks" (İrlandiya)
Saat 20:00, "Bank Respublika Arena"
"Zirə" - "Osiyek" (Xorvatiya)
Saat 20:30, "Dalğa Arena"
Rəylər