Anar Həsənov yazır...
"Zirə"nin mərhələ keçəcəyinə azərbaycanlı futbolsevərlərin çoxu inanırdı. Hətta "Ludoqorets"lə görüşdə 1-2 hesabı ilə məğlub olan "Qarabağ"ın növbəti mərhələyə keçəcəyindən daha çox "Zirə"nin tur adlayacağına inanılırdı. Çünki komanda hazırda əla formadadır. Ötən mövsümün sonlarına doğru yığılan forma hər gün daha da optimallaşır. "Şerif"lə görüşdə məğlubiyyətin yeganə səbəbi isə bir futbolçunun məsuliyyətsizliyi idi. Hansı ki, bu futbolçunun səhvi komandanı Avropa Liqasından etmişdi.
Bu gün "Zirə" pley-offa vəsiqə qazanıb. Şübhəsiz ki, burada Rəşad Sadıqovun əməyi danılmazdı. O Rəşad Sadıqov ki, 3-4 ay qabaq tənqid olunur, haqqında çoxsaylı sözlər deyilir və "Zirə" klubunu durmadan müdafiə xarakterli oyun nümayiş etdiyi üçün qınayırdılar. "Zirə" rəhbərliyi isə bu deyilənlərə baxmayaraq, baş məşqçiyə şans verdi, dəstək oldu və arxasında durdu. Budur, həmin Rəşad Sadıqov artıq tədricən "Zirə"də öz dəst-xətini qurur. Qrupa düşməsə belə, Rəşad və "Zirə" uğurlu avrokubok mövsümü keçirmiş olacaq. Amma "Zirə" də "Qarabağ" kimi bütün futbolsevərləri uğurlu nəticəyə kökləyib.
"Omoniya" bu mövsüm avrokuboklardakı matçının hər birini qələbə ilə tamamalayıb. Rəqibləri isə Gürcüstanın "Torpedo", Macarıstanın isə "Ferhevar" klubunu hər iki görüşdə məğlub edib.
Önəmli olan məqamlardan biri isə "Omoniya" klubunun bir il öncə Azərbaycana etdiyi səfərdir. Rəqib 2023-cü ildə "Qəbələ" ilə avrokuboklarda qarşılaşmışdı. Kipr klubu hər iki görüşdə təmsilçimizi məğlub edərək növbəti mərhələyə yüksəlmişdi. Amma, "Qəbələ" klubunun ötən mövsümki zəif çıxışını və əldə olunan nəticəni (1-4, 2-3) nəzərə alsaq, "Zirə"nin növbəti mərhələyə çox rahatlıqla adlaya biləcəyini düşünmək mümkündür.
"Omoniya"nın "Fehervar"la matçından sonra isə rəqibin qorxuducu gücə malik olmadığını demək mümkündür. Hətta "Zirə"nin penaltilər seriyasında yola saldığı "Osiyek" "Omoniya"dan daha güclüdür.
Penaltilər seriyasında yerli futbolçularımızın inamsız çıxışından daha öncə də danışmışdıq. İndi isə o barədə nəsə demək düzgün olmaz. Hazırda futbolçularımızın edilən səhvlərdən dərs çıxarmasını və sadəcə qələbəyə köklənməsini istəmək lazımdır. "Osiyek"lə görüşdə edilən səhvlərdən isə yalnız dərs çıxarmaq lazımdır.
Rəylər