Keçmiş "Ultimate Fighting Championship" (UFC, Mütləq Döyüş Çempionatı) çempionları rusiyalı döyüşçü Pyotr Yan (17-5) və braziliyalı Deyvison Fiqeyredu (24-3-1) arasında keçiriləcək döyüşün vaxtı rəsmən məlum olub.
Oxu.Az xəbər verir ki, Yan - Fiqeyredu arasındakı döyüş noyabrın 23-də Makaoda (Çin) "UFC Fight Night" 248-də baş tutacaq.
Rusiyalı döyüşçü Pyotr Yanın 32 yaşı var. İdmançı UFC-də debütünü 2018-ci ildə edib və 2020-ci ilin iyulunda ağır çəki dərəcəsində (61 kq-a qədər) çempionluq titulunu qazanıb.
Deyvison Fiqeyredunun 36 yaşı var. Braziliyalı 2017-ci ildən UFC-də yarışır və iki dəfə təşkilatın yüngül çəki üzrə çempionu olub (2023-cü ildə 57 kq-a qədər ağır çəki dərəcəsində mübarizə aparıb).
Rəylər