İran Bakı vaxtı ilə 09:30-dan aviareyslərin qəbulunu və göndərilməsini bərpa edəcək.
Oxu.Az-ın IRNA-ya istinadla verdiyi məlumata görə, bu barədə İslam Respublikasının Mülki Aviasiya Təşkilatının nümayəndəsi məlumat verib.
"Uçuşlar bu şənbə günü saat 09:00-dan (Bakı vaxtı ilə 09:30) normal rejimə qayıdacaq", - deyə agentliyin nümayəndəsi bildirib.
Qeyd edək ki, İsrailin İrana hücumu ilə əlaqədar Tehran hava məkanını bağlamışdı.
İsrailin İrandakı obyektlərə hücumları başa çatıb.
Oxu.Az bildirir ki, bu barədə İsrailin Müdafiə Ordusunun (SAXAL) Mətbuat Xidməti məlumat yayıb.
İsrail İrana üç silsilə zərbə endirib.
Oxu.Az xəbər verir ki, bu barədə "Axios" öz mənbələrə istinadən bildirib.
IRNA agentliyinin verdiyi məlumata görə, İran növbəti xəbərdarlığa qədər bütün uçuşları ləğv edib.
Üçüncü dalğada Tehranda yenidən partlayış səsləri eşidilib. Hava hücumundan müdafiə sistemi işə düşüb.
"Tasnim" agentliyinin məlumatına görə, daha əvvəl Tehran yaxınlığında eşidilən partlayış səsləri şəhərdən kənarda üç nöqtədə hava hücumundan müdafiə sisteminin işə düşməsi ilə bağlı olub.
İsrailin "Kan" dövlət televiziya və radio şirkətinin verdiyi məlumata görə, hakimiyyət son günlər İrana hücum etməyi planlaşdırıb, lakin hava şəraiti ilə əlaqədar hücum təxirə salınıb.
Qeyd olunur ki, İsrail hökuməti cavab hücumunu yekdilliklə təsdiqləyib.
"Axşam (25 oktyabr) şərait yetişdi və hücum əməliyyatı başladı. Siyasi və təhlükəsizlik məsələləri üzrə Nazirlər Kabineti hücumu təsdiqləyib", - məlumatda vurğulanır.
İsrailin İrana hücumunun ikinci dalğası başlayıb.
Oxu.Az xəbər verir ki, bununla bağlı "The Jerusalem Post" nəşri yazıb.
Qeyd olunub ki, yeni hücum zamanı hədəf kimi Şiraz şəhəri seçilib.
"Al Jazeera"nın İslam İnqilabı Keşikçiləri Korpusuna (SEPAH) istinadən verdiyi məlumata görə isə İsrail İrandakı həyati vacib hərbi və təhlükəsizlik obyektlərinə hücum edib. Söhbətin məhz hansı obyektlərdən getdiyi barədə məlumat verilmir.
"The Jerusalem Post"un məlumatına görə, İsrail HHQ İrana hücum zamanı ABŞ-nin ən son F-35 qırıcısı da daxil olmaqla, 100-dən çox təyyarədən istifadə edib.
Bildirilir ki, İsrail Müdafiə Ordusu İranın hava hücumundan müdafiə sistemlərini "kor" etmək üçün Suriyadakı radarlara qabaqlayıcı zərbələr endirib.
Məlumata görə, İsrailin Suriyadakı radarlara ilkin zərbələri İranın (havadan hücumundan müdafiə sisteminin) imkanlarını "kor etmək" məqsədi daşıyırdı və qısa bir zamanda Tehran və Kərəcə hücum şəklində davam etdi.
İran İsrail hücumundan sonra uçuş məhdudiyyətlərini aradan qaldırır
İsrail'in İran saldırısından yeni görüntüler #İsrail #İran #Israel #Iran pic.twitter.com/CQl36OvTYX
— Türk Dünyası Haberleri (@oxuazturkce) October 26, 2024
İsrail İranın yalnız hərbi obyektlərini vurub, İrandakı nüvə obyektlərinə və ya neft infrastrukturuna deyil, yalnız hərbi obyektlərə zərbələr endirib.
Oxu.Az xəbər verir ki, bu barədə "CBS" telekanalı öz mənbələrinə istinadən məlumat yayıb.
Qeyd olunur ki, İsrailin hücumu hərbi hədəflərlə məhdudlaşıb. Mənbə ABŞ-nin hücumlarla bağlı əvvəlcədən xəbərdar edildiyini bildirib.
"NBC" telekanalının ərəb ölkələrindəki iki yüksək vəzifəli mənbəyə istinadən verdiyi məlumata görə, İsrailin Tehrandakı zərbələrinin hədəfi kazarma və silah anbarı ola bilər.
İsrail İranın neft obyektlərinə və Tehrandakı İmam Xomeyni adına və "Mehrabad" hava limanlarına zərbələr endirməyib.
Bu barədə isə Livanın "Al Mayadeen" telekanalı məlumat yayıb.
Qeyd olunur ki, İsrail Tehran əyalətindəki üç hərbi bazaya hücum etməyə cəhd edib, lakin İranın hava hücumundan müdafiə sistemi hücumları əks etdirib.
İRNA-nın məlumatına görə, şəhər yaxınlığında partlayışlar barədə yayılan xəbərlər fonunda, Tehrandakı İmam Xomeyni adına beynəlxalq hava limanı və "Mehrabad" Hava Limanı normal rejimdə işləyir.
"Flightradar"ın məlumatına görə, İsrailin ölkəyə endirdiyi zərbələrə baxmayaraq, İran üzərində mülki uçuşlar davam edir.
Partlayışların dəqiq səbəbləri açıqlanmır, lakin daha əvvəl "Tasnim" agentliyi mənbələrə istinadən bildirib ki, partlayışlar hava hücumundan müdafiə sisteminin işi nəticəsində baş verə bilərdi.
Tehranda və ya şəhər ətrafında xilasetmə xidmətlərinə bununla bağlı hər hansı müraciət daxil olmayıb.
Daha əvvəl İsrail ordusu bildirib ki, aylardır davamlı hücumlara cavab olaraq İrandakı hərbi obyektlərə zərbələr endirir.
İsrail İrana hava hücumuna başlayıb.
Oxu.Az xəbər verir ki, bu barədə "Axios" məlumat yayıb.
İrana indiyədək 19 bomba atıldığı və Tehran hava limanı da daxil olmaqla 5 partlayışın baş verdiyi iddia edilir. Həmçinin, Zəncan vilayətində də partlayışlar qeydə alınıb.
İranın hava hücumundan müdafiə bölmələri səfərbər edilib.
Yerli KİV paytaxt Tehran bölgəsində və Kərəcdən şimalda ən azı 5 partlayışın baş verdiyini bildirib.
Tehranda hava hücumu xəbərdarlığı edilib və şəhərə uçuşlar ləğv edilib.
#Sondakika Tahranda siren sesleri#Iran #Israil #patlama pic.twitter.com/rRVkA4drmQ
— Türk Dünyası Haberleri (@oxuazturkce) October 25, 2024
İsrail’in saldırıları sonrası İran’da patlamalar meydana geliyor.#Iran #Israel pic.twitter.com/rGJVO0WY4W
— Türk Dünyası Haberleri (@oxuazturkce) October 25, 2024
