Yaponiyanın JAXA kosmik agentliyi Venera ətrafında olan yeganə aktiv zond olan Akatsuki kosmik aparatı ilə əlaqənin kəsildiyini açıqlayıb.
Bildirilib ki, cihaz aprel ayından siqnallara cavab verməyi dayandırıb.
Yapon dilində "sübh" mənasını verən Akatsuki 2010-cu ildə istifadəyə verilib. Əsas mühərrikin nasazlığı səbəbindən Venera orbitinə daxil ola bilməyən qurğu missiyanı tam uğurla başlamayıb. Bununla belə, layihə komandası 2015-ci ildə ikinci fürsəti reallaşdıra bilib və zondu lazımi trayektoriyaya salıb.
Akatsuki 2018-ci ildə əsas missiyasını başa vursa da, zond Venera haqqında qiymətli məlumatları geri göndərməyə davam edib və bu, alimlərə Günəş sistemindəki ən isti planetin iqlimini və atmosfer dinamikasını daha yaxşı başa düşməyə imkan verib.
Mənbə: gazeta.ru
