ABŞ-ın DART kamikadze zondu sentyabrın sonunda kiçik Dimorf (Dimorphos) asteroidinə çırpıldıqdan sonra səma cismi orbitini dəyişib.
Bu barədə ABŞ Milli Aeronavtika və Kosmos İdarəsindən xəbər verilib.
Kamikadze zondu ilə vurulan asteroid orbitini dəyişdi - FOTO/VİDEO
NASA rəhbəri Bill Nelsonun sözlərinə görə, Dimorf zərbədən əvvəl Didim ətrafında 11 saat 55 dəqiqəyə, sonra isə 11 saat 23 dəqiqəyə dövr edib. Beləliklə, onun dövrə müddəti təxminən 32 dəqiqə azalıb.
ABŞ Milli Aeronavtika və Kosmos İdarəsindən o da bildirilib ki, bu, bəşəriyyətin səma cisiminin hərəkətini qəsdən dəyişdirdiyi ilk hadisədir və asteroidin sapma texnologiyasının ilk tammiqyaslı nümayişidir.
Hazırda alimlər eksperimentlə bağlı əlavə məlumat toplamağa davam edirlər.
Mənbə: Gazeta.ru
