Dünyanın müxtəlif ölkələrindən maraqlı paylaşımları ilə tanınan və "YouTube"da 13,7 milyon abunəçisi olan məşhur amerikalı bloqer "Nas Daily" Azərbaycandadır.
Oxu.Az-ın verdiyi məlumata görə, bu barədə o, özünün sosial şəbəkə hesabında paylaşım edib.
Bloqer "Bakının Gözü"ndə görüş keçirəcəyini deyib və hər kəsi dəvət edib.
"Salam Azərbaycan! Mən nəhayət buradayam və sizinlə görüşəcəyimə çox şadam. Bu həftəsonu görüş keçirəcəyəm və sizin də qoşulmağınızı çox istərdim. Müraciət etməyə ehtiyac yoxdur - sadəcə, olduğunuz kimi gəlin! Tarix: şənbə, 17 avqust 2024-cü il, saat 17:00. Məkan: "Bakının Gözü". Ailənizi və dostlarınızı da gətirin. Şənbə günü görüşənədək".
Qeyd edək ki, əsl adı Nuseyr Yasin olan bloqer 1992-ci ildə İsrailin Arrabe şəhərində fələstinli ərəb ailəsində anadan olub. Əvvəllər o, öz Fələstin mənşəyini vurğulasa da, HAMAS-ın 2023-cü ilin oktyabr ayında İsrailə hücumundan sonra özünü israilli adlandırmağa başlayıb:
"İndi mən özümü ilk növbədə israilli, sonra isə fələstinli hesab edirəm", - deyə o, "X" hesabında yazdığı paylaşımında elan edib.
Rəylər