"Casus uşaqları 3: Oyun bitdi" ("Spy Kids 3-D: Game Over") filmində Reza rolunu oynayan aktyor Robert Vito ABŞ-nin Los-Anceles şəhərində məişət zorakılığına görə həbs edilib.
Oxu.Az-ın verdiyi məlumata görə, bu barədə TMZ xəbər yayıb.
Həbs qonşuların Vitonun evində zorakılıq hadisəsi barədə polisə zəng etməsindən sonra baş tutub.
Bildirilir ki, Vito və sevgilisinin sözlü mübahisəsi tezliklə böyük davaya çevrilib. Vito sevgilisini mebelin üstünə itələyib, kiçik oğlunu divanın üstünə çırpıb. Vitonun oğlu və sevgilisinin şikayəti olmamasına baxmayaraq, polis müayinəsi zamanı döyülmə izləri aşkar edilib.
Aktyor həbsxanaya aparılıb, lakin 50 000 dollar girov qoyduğu üçün orada çox qalmayıb və azad edilib.
Rəylər