"Azərbaycan-Ermənistan sərhədinin delimitasiyası və demarkasiyası zamanı Ermənistanda avropalı müşahidəçilərin statusunu müəyyənləşdirmək və Bakı ilə razılaşmaq lazımdır".
Oxu.Az xəbər verir ki, bunu news.ru-ya açıqlamasında Rusiya Beynəlxalq Əlaqələr Şurasının elmi direktoru Andrey Kortunov deyib.
"Əgər sərhədin demarkasiyası və delimitasiyasına dair ikitərəfli addımlar başlayarsa, ola bilməz ki, sərhədin bir tərəfində beynəlxalq vasitəçilər olsun, digər tərəfində isə yox. Vasitəçilik dedikdə, hər iki tərəfin razılığı nəzərdə tutulur. Avropa sərhədçilərinin hansı funksiyanı yerinə yetirəcəyi həqiqətən də bəlli deyil. Bu, Azərbaycanla ikitərəfli danışıqlarda müzakirə edilməli və razılaşdırılmalı olan məsələdir", - Kortunov bildirib.
Onun sözlərinə görə, belə bir şəraitdə avropalı müşahidəçilərin Ermənistanda uzun müddət qalması ehtimalı azdır. O qeyd edib ki, Aİ respublikanın təhlükəsizliyinə təminat verə biləcək struktur deyil. Ekspert qeyd edib ki, avropalıların ölkəni qorumaq üçün resursları və imkanları yoxdur.
