Oktyabrın 15-də saat 12 radələrində Habil Əzizov idarə etdiyi VAZ-21015 markalı avtomobillə Ağdaş rayonunun Qoşaqovaq kəndi ərazisində qəza törədib.
Bununla bağlı Oxu.Az-a Daxili İşlər Nazirliyinin (DİN) Mətbuat Xidmətinin Şəki regional qrupundan məlumat verilib.
Bildirilib ki, qəza nəticəsində nəqliyyat vasitəsi Yuxarı Şirvan su kanalına düşüb. Faktla bağlı cinayət işi başlanılıb.
Fövqəladə Hallar Nazirliyindən (FHN) Oxu.Az-a verilən məlumata görə, FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasedicilərinin keçirdikləri tədbirlər nəticəsində sürücünün meyiti tapılıb və aidiyyəti üzrə təhvil verilib.
:640.jpg)
Rəylər