"Global Management" - 2020-ci ildə "Global Media Group"un tərkibində yaradılan autsorsinq şirkətidir. Beynəlxalq standartlara cavab verən idarəetmə sistemlərini tətbiq edir. Şirkətimiz "ISO 9001", "ISO 14001", "ISO 45001" sertifikatlarına sahibdir".
Bu barədə Oxu.Az-a açıqlamasında "Global Management" şirkətinin marketinq və satış üzrə direktoru Laura Seyidbəyova məlumat verib.
O bildirib ki, şirkət çox peşəkar və istedadlı komanda ilə fəaliyyət göstərir:
"Şirkətimiz bizneslərə genişspektrli xidmətlər təklif edir. Biz artıq bir sıra böyük şirkətlərlə əməkdaşlıq edirik.
Ümumiyyətlə, şirkətimiz tərəfindən təklif edilən xidmətlər sırasında maliyyə və mühasibat, marketinq və satış, satınalma və təchizat zənciri, İT, hüquq, insan resursları, gömrük, keyfiyyət təminatı və keyfiyyətə nəzarət kimi xidmətlər daxildir.
Bu gün start götürən və ayın 26-na qədər davam edəcək 5-ci Yerli şirkətlərin tanıtım sərgisində iştirak edirik.
Məqsədimiz həm yerli şirkətləri daha yaxından tanımaq, onlarla biznes əlaqələri qurmaq, həm də onların bizneslərinə autsorsinq xidmətlərimiz vasitəsilə fayda verməkdir.
Düşünürük ki, bu sərgi həm "Global Management" üçün, həm də digər yerli şirkətlər üçün qarşılıqlı əməkdaşlıq baxımından çox faydalı olacaq.
Hər kəsi iyunun 24-dən 26-dək Bakı Ekspo Mərkəzində keçirilən sərgiyə dəvət edirik. Xüsusilə də 109-cu stendə yaxınlaşaraq biznes xidmətlərimizdən faydalana bilərlər".
Könül Cəfərli
