Avtomobil sektorunda uzun müddətdir güvənlə tanınan "AUTO Azərbaycan" şirkəti GAC ("Go And Change") brendinin distribütorluğunu alıb. Artıq "AUTO Azərbaycan" GAC brendinin Azərbaycanda ilk və tək rəsmi distribütorudur.
İyulun 12-də "Flame Towers"də GAC brendinin rəsmi təqdimatı həyata keçirilib. Təqdimat mərasimində "AUTO Azərbaycan" şirkətinin rəhbəri Emil İsmayılov və GAC brendinin Mərkəzi Asiya ölkələri üzrə baş meneceri Mei Yue də iştirak edib. Emil İsmayılov Çin və Azərbaycanın rəsmi strateji tərəfdaşlığından, "GAC Motor" şirkəti ilə "AUTO Azərbaycan" arasındakı münasibətdən danışıb. GAC brendinin Mərkəzi Asiya ölkələri üzrə baş meneceri Mei Yue brend haqqında ətraflı məlumat verib və partnyorluqdan məmnun olduğunu bildirib. Gecənin qonaqlarını möhtəşəm əyləncəli şou-proqramlar müşayiət edib.
Gecəyə əsas damğanı vuran isə 5 yeni modelin təqdimatı olub. Bu avtomobillərin hamısı müasir dizayndadır və qabaqcıl texnologiya ilə təchiz olunub.
Sedan sinfinə aid olan "Empow" avtomobili idman üslubunda olmaqla yanaşı interyerində karbon işləmələri var. Hibrid versiyası da olan modeli sadəcə 39 900 manata əldə edə bilərsiniz.
SUV sinfinə aid olan "GS3 Emzoom" avtomobili kompakt olsa da, arxa oturacaqları olduqca genişdir. Orta sərfiyyatı sadəcə 5.9 litr olan modelin qiyməti sadəcə 39 900 manatdır!
SUV sinfinə aid olan digər model "Emkoo" avtomobilinin tavanı tam şüşədir. Hibrid versiyası da mövcud olan avtomobil 43 900 manata təklif olunur!
SUV sinfinin 7 yerli, olduqca geniş "GS8" modeli komfortlu və rahatdır. Bütün funksiyaları monitordan idarə olunan modelin 360° kənarlarını və alt hissəsini izləmək üçün əlavə ön kamera mövcuddur. Hibrid və "plug-in" hibrid versiyaları da mövcud olan modeli 69 900 manata əldə edə bilərsiniz!
Əsl biznes-klas görünüşlü MPV sinfinə aid olan "M8" modelinin isə ikinci sıra oturacaqları da olduqca rahat və funksionaldır. Üstəlik oturacaqlarda masaj funksiyası da mövcuddur. "Plug-in" hibrid versiyası da olan avtomobilin qiyməti 74 900 manatdır.
GAC avtomobillərinin ehtiyat hissələrinin satışı və texniki xidməti də "AUTO Azərbaycan" şirkəti tərəfindən həyata keçiriləcək.
Bütün modellərə "AUTO Azərbaycan" tərəfindən 5 il və ya 150 000 km rəsmi zəmanət verilir. Odur ki, fürsətləri qaçırmamaq üçün tələsin!
Ünvan: Bakı, Babək prospekti, 61C.
Rəylər