Leyboristlər Partiyasının lideri Kir Starmer Kral III Çarlzla görüşdən sonra rəsmi olaraq Böyük Britaniyanın yeni baş naziri olub.
Məlumata görə, Britaniyadakı formal prosesə əsasən, keçmiş baş nazir Rişi Sunak bu gün istefasını Kral III Çarlza təqdim edib. Daha sonra Kir Starmer Kral III Çarlzla görüşüb və kabineti formalaşdırmaq mandatı alaraq, Böyük Britaniyanın baş naziri vəzifəsinin icrasına başlayıb.
Görüşdən sonra baş nazir və xanımı yeni evlərinə yollanıblar. Böyük Britaniya hökumətinin yeni başçısını tərəfdarlarından ibarət izdiham və bir qrup fotoqraf qarşılayıb.
Böyük Britaniya parlamentinə keçirilən seçkidə Leyboristlər Partiyası qalib gəlib.
Mənbə: Gazeta.ru
Böyük Britaniya kralı III Çarlz Bukingem sarayında Baş nazir Rişi Sunakın istefasını qəbul edib.
Bu barədə kralın mətbuat xidməti məlumat yayıb.
"Parlamentin fəxri üzvü Rişi Sunak bu səhər Kralla görüş zamanı baş nazir və Xəzinədarlığın Birinci Lordu vəzifələrindən istefa verib və Əlahəzrət bunu nəzakətlə qəbul edib", - deyə məlumatda bildirilib.
Məlumata görə, Kir Starmerin rəhbərlik etdiyi müxalif İşçi Partiyasının qalib gəldiyi ölkədə keçirilən parlament seçkisindən sonra 44 yaşlı Sunak istefa verib. Yaxın dəqiqələrdə o, hökumət qurmaq mandatı almaq üçün Bukingem sarayında III Çarlz tərəfindən qəbul ediləcək.
Qeyd edək ki, Sunak 2022-ci il oktyabrın 25-dən Britaniya hökumətinə rəhbərlik edib və ölkə tarixində ilk asiyaəsilli və hinduizm dinindən baş nazir olub.
Mənbə: TASS
Böyük Britaniya parlamentinə keçirilən seçkidə Leyboristlər Partiyası qalib gəlib.
Belə ki, səslərin hesablanmasının aralıq nəticələrinə görə, müxalifət partiyası yeni hökumətin formalaşdırılması üçün lazım olan çoxluğu əldə edərək, 650 yerlik İcmalar Palatasında özünə 326 yeri təmin edib.
2010-cu ildən hakimiyyətdə olan Mühafizəkarlar Partiyasının cəmi 71 mandatı var.
Böyük Britaniyanın Baş naziri və hakim Mühafizəkarlar Partiyasının lideri Rişi Sunak da Leyboristlər Partiyasının lideri Kir Starmeri parlament seçkisində qələbəsi münasibətilə təbrik edib.
Mənbə: TASS
Rəylər