Çin “Fukusima-1”dən su buraxdığına görə Yaponiyadan təzminat tələb edir

Çin hakimiyyəti Yaponiyadan “Fukusima-1” AES-dən təmizlənmiş suyun axıdılmasından yarana biləcək iqtisadi ziyana görə kompensasiya sistemi yaratmağı tələb edir.

Məlumata görə, Çin pərdə arxasında müvafiq tələblər irəli sürüb. Eyni zamanda vurğulanıb ki, Yaponiya rəsmiləri artıq suyun axıdılmasının bütün təhlükəsizlik standartlarına uyğun həyata keçirildiyini və Atom Enerjisi üzrə Beynəlxalq Agentlik (BAEA) tərəfindən təsdiqləndiyini əsas gətirərək bu tələbləri rədd ediblər.

Hazırda AES-in ərazisində 1,34 milyon tondan çox su yığılıb. Bununla əlaqədar Yaponiya hökuməti tədricən təmizlənmiş suyu okeana buraxmaq qərarına gəlib. Bu əməliyyat 30-40 il çəkəcək. Su təmizlənir, lakin tərkibində hələ də tritium var, onu çıxarmaq mümkün deyil. Tritiumun icazə verilən maksimum konsentrasiyası litr başına 1500 bekkereldir.

Mənbə: novostivl.ru