Ukrayna Silahlı Qüvvələrinin Rusiyanın Kursk vilayətinə avqustun 6-da başlayan hücum əməliyyatının ilk saatlarını göstərən unikal görüntülər yayımlanıb.
Oxu.Az-ın rubryka.com-a istinadən məlumatına görə, kadrları Ukrayna Desant-Hücum Qoşunlarının mətbuat xidməti paylaşıb.
Bildirilib ki, bu görüntülər əməliyyatın əsas mərhələlərini, o cümlədən minatəmizləmə, sərhədin yarılması, düşmənin müdafiə xətlərinin məhv edilməsi, habelə aviasiya və artilleriyanın işini göstərib.
O da vurğulanıb ki, əməliyyatın ilkin mərhələsindəki uğur diqqətli hazırlıq, yaxşı planlaşdırma, fəaliyyətin gözlənilməzliyi, hərbçilərin döyüş ruhu, həmçinin informasiya məxfiliyinə riayət edilməsi ilə əldə olunub və elə ilk mərhələlərində əhəmiyyətli nəticələr əldə etməyə imkan verib.
Rəylər