Almaniyada keçirilən futbol üzrə Avropa çempionatının qrup mərhələsinin üçüncü turunun İsveçrə - Almaniya görüşü başa çatıb.
Oxu.Az xəbər verir ki, Frankfurtdakı "Valdştadion"da keçirilən matç 1:1 hesabı ilə yekunlaşıb.
Hesabı 28-ci dəqiqədə isveçrəlilərdən Dan Ndoye açıb. Meydan sahibləri 90+2-ci dəqiqədə Niklas Fullkruqla "status-kvo"nu bərpa ediblər.
Bu nəticədən sonra A qrupunda xallarının sayını 7-yə çatdıran Almaniya birinci, xal ehtiyatını 5-ə çatdıran İsveçrə isə ikinci olub. Hər iki komanda AVRO-2024-ün 1/8 finalına yüksəlib.
23.06.2024, 23:00
İsveçrə və Almaniya milli komandaları arasında futbol üzrə Avropa çempionatının qrup mərhələsinin üçüncü turunun oyununa start verilib.
Oxu.Az xəbər verir ki, A qrupu çərçivəsindəki görüş Almaniyanın Frankfurt şəhərindəki "Deutsche Bank Park" stadionunda keçirilir.
Oyunu Daniel Orsatonun (İtaliya) başçılıq etdiyi hakimlər briqadası idarə edir.
Qeyd edək ki, iki turdan sonra Almaniya yığması 6 xal toplayıb və A qrupunun turnir cədvəlində vahid liderdir. İsveçrə ikinci yerdə (4), Şotlandiya millisi üçüncü yerdədir (1). Dördlüyün sırasını isə xalsız Macarıstan tamamlayır.
İsveçrə və Almaniya milli komandaları arasında futbol üzrə Avropa çempionatının qrup mərhələsinin üçüncü turunun oyununa start verilib.
