Misli Premyer Liqasının XII turunda "Neftçi" "Araz-Naxçıvan"a məğlub olub.
Oxu.Az xəbər verir ki, "Neftçi Arena"da baş tutan matçda qonaqlar 0:1 hesablı qələbəyə sevinib.
Görüşdə yeganə qolu ilk yarım saatın tamamında Felipe Santos meydan sahiblərinin qapısından keçirib.
Ehtiyatda daha bir matçı olan Naxçıvan klubu 24 xalla üçüncü, "ağ-qaralar" 9 xalla səkkizincidir.
Qeyd edək ki, turun açılış matçında "Turan Tovuz" "Qarabağ"la qolsuz heç-heçəyə razılaşıb.
Misli Premyer Liqasının XII turunun açılış oyununda "Turan Tovuz" doğma meydanda "Qarabağ"la heç-heçəyə razılaşıb.
Oxu.Az xəbər verir ki, Tovuz şəhər stadionunda baş tutan görüşdə hesab açılmayıb.
Cari mövsüm ilk dəfə bərabərə qalan Ağdam təmsilçisi 28 xalla turnir cədvəlinə başçılıq edir. Qərb təmsilçisi isə 25 xalla ikinci sırada qərarlaşıb.
Günün digər qarşılaşmasında "Neftçi" "Araz-Naxçıvan"ı qəbul edəcək. Bu oyun saat 20:30-da başlayacaq.
Qeyd edək ki, turun digər qarşılaşmaları noyabrın 2-3-də gerçəkləşəcək.
Bu gün Azərbaycan Premyer Liqasının XII turunun ilk oyun gününə iki görüşlə start veriləcək.
Oxu.Az xəbər verir ki, ilk oyun günüdə "Turan Tovuz" "Qarabağ"ı saat 18:30-da, "Neftçi" isə "Araz-Naxçıvan"ı 20:30-da qəbul edəcək.
Qeyd edək ki, XII tura noyabr ayının üçündə yekun vurulacaq.
1 noyabr
Azərbaycan Premyer Liqası
XII tur
Saat 18:30, "Turan Tovuz" - "Qarabağ"
Saat 20:30, "Neftçi" - "Araz-Naxçıvan"
Premyer Liqa: "Neftçi" "Araz Naxçıvan"a məğlub oldu
Rəylər