Rusiya Prezidenti Vladimir Putin Rusiya Mini-Futbol Assosiasiyasının prezidenti Emil Əliyevi "Dostluq" ordeni ilə təltif edib.
Oxu.Az TASS-a istinadən xəbər verir ki, müvafiq fərman hüquqi aktların rəsmi saytında yerləşdirilib.
"Bədən tərbiyəsi və idman sahəsində xidmətlərinə, uzun illər vicdanlı əməyinə görə Rusiya Mini-Futbol Assosiasiyası ümumrusiya ictimai təşkilatının prezidenti Emil Hümbət oğlu Əliyev "Dostluq" ordeni ilə təltif edilsin", - fərmanda deyilir.
Qeyd edək ki, Emil Əliyev 1978-ci ildə Bakıda anadan olub və 2011-ci ildən Rusiya Futzal Assosiasiyasına rəhbərlik edir. O, pedaqoji elmlər doktoru, dosent, bədən tərbiyəsi və idman sahəsində bir sıra monoqrafiyaların və elmi nəşrlərin müəllifidir.
Rəylər