Yaxın günlərdə paytaxt sakinləri və qonaqların asudə vaxtlarını səmərəli keçirə biləcəkləri mədəni tədbirləri bir siyahıya topladıq.
Oxu.Az-ın təqdim etdiyi afişada iyulun 15-dən 21-dək Bakıda keçiriləcək tamaşalar, konsertlər və digər tədbirlər yer alıb.
16 iyul
"Hayal Kahvesi"ndə saat 20:00-da "Instrumental jazz duet" adlı gecə keçiriləcək.
Gecədə Nicat Aslanov və İsmayıl Zülfüqarov çıxış edəcəklər.
Biletin qiyməti: 7 manat.
17 iyul
Şuşa Dövlət Musiqili Dram Teatrında saat 11:00-da "Karlsonun macəraları" adlı tamaşa nümayiş olunacaq.
Biletin qiyməti: 7-8 manat.
18 iyul
Azərbaycan Dövlət Akademik Musiqili Teatrında saat 19:00-da "Paris Notr-Dama ithaf" adlı tamaşa nümayiş olunacaq.
"Paris Notr-Dama ithaf" tamaşası böyük fransız yazıçısı Viktor Hüqonun "Paris Notr-Dam kilsəsi" romanının motivləri əsasında hazırlanıb.
Tamaşanın quruluşçu rejissoru Samir Qulamovdur.
Biletin qiyməti: 8-15 manat.
19 iyul
Azərbaycan Dövlət Akademik Musiqili Teatrında saat 19:00-da "O olmasın, bu olsun" tamaşası göstəriləcək.
Müəllifi Üzeyir Hacıbəyli olan musiqili komediyanın quruluşçu dirijoru Nazim Hacıəlibəyov, quruluşçu rəssamı İsmayıl Məmmədov, baş Dirijoru Fəxrəddin Atayevdir.
Biletin qiyməti: 7-12 manat.
20 iyul
"M-Teatr"da saat 19:00-da "İnsti̇nkt" adlı tamaşa nümayiş olunacaq.
Biletin qiyməti: 10-20 manat.
"Dalga Beach"də saat 21:00-da Xalq artisti Röyanın konserti olacaq.
Biletin qiyməti: 20-250 manat.
21 iyul
Şuşa Dövlət Musiqili Dram Teatrında saat 19:00-da "Dağılan tifaq" adlı tamaşa oynanılacaq.
Biletin qiyməti: 7-8 manat.
"M-Teatr"da saat 19:00-da "Yad qadının məktubu" adlı tamaşa nümayiş olunacaq.
Biletin qiyməti: 10-20 manat.
Xanım Aydın
Rəylər