Azərbaycan Premyer Liqasının VII turunun növbəti görüşündə "Qarabağ" "Neftçi"ni məğlub edib.
"Report"un məlumatına görə, qarşılaşma Ağdam təmsilçisinin qələbəsi ilə bitib - 4:0.
"Neftçi"dən Robert Bauer 18-ci dəqiqədə avtoqol müəllifi olub. 29-cu dəqiqədə Olavio Juninyo, 45+3-cü dəqiqədə Yassin Benzia, 90+1-ci dəqiqədə Leandro Andrade adını tabloya yazdırıblar.
Bu nəticədən sonra xallarının sayını 15-ə çatdıran "köhlən atlar" liderliyə yüksəlib. "Ağ-qaralar" 4 xalla 8-9-cu yerləri bölüşdürür.
Qeyd edək ki, günün ilk matçında "Şamaxı" "Kəpəz"i məğlub edib - 2:0. VII turun digər oyunları sentyabrın 21-22-də baş tutacaq.
"Kəpəz" Azərbaycan Premyer Liqasında növbəti dəfə uduzub.
"Report"un məlumatına görə, Gəncə təmsilçisi VII turda "Şamaxı" ilə üz-üzə gəlib.
Tovuz şəhər stadionundakı qarşılaşma "sarı-göylər"in məğlubiyyəti ilə bitib - 0:2.
"Şamaxı"nın qollarını 16-cı dəqiqədə Brahim Konate, 19-cu dəqiqədə Giorgi Kantariya vurub.
7 matçın hamısında yenilən "Kəpəz" sonuncu-10-cu pillədə qərarlaşıb. Rəqiblərindən bir oyun az keçirən "Şamaxı" 11 xalla üçüncü sıradakı "Sabah"a çatıb.
Qeyd edək ki, günün digər görüşündə "Qarabağ" "Neftçi"ni qəbul edəcək. VII turun digər matçları 21-22 sentyabrda baş tutacaq.
Azərbaycan Premyer Liqasının VII turunda keçiriləcək "Qarabağ" - "Neftçi" oyununda iştirak etməyəcək futbolçuların adları bəlli olub.
Oxu.Az xəbər verir ki, Ağdam təmsilçisinin heyətində monteneqrolu müdafiəçi Marko Veşoviç, qapıçılardan isə Amin Ramazanov ilə Şahruddin Məhəmmədəliyev matça qatıla bilməyəcəklər. Buna səbəb hər üç futbolçunun zədəli olmasıdır.
Qonaq komandada isə kolumbiyalı hücumçu Brayan Moreno bu görüşdə komandasına kömək edə bilməyəcək.
Qeyd edək ki, "Azersun Arena"da baş tutacaq "Qarabağ" - "Neftçi" görüşünün start fiti saat 20:00-da səslənəcək.
Bu gün Azərbaycan Premyer Liqasında yeddinci tura start veriləcək.
Oxu.Az xəbər verir ki, ilk oyun günündə "Kəpəz" "Şamaxı"nı, "Qarabağ" isə "Neftçi"ni qəbul edəcək.
"Kəpəz" - "Şamaxı" matçı Tovuz şəhər stadionunda saat 17:00-da başlanacaq.
Turun mərkəzi görüşü olan "Qarabağ" - "Neftçi" qarşılaşması isə "Azərsun Arenada" saat 20:00-da start götürəcək.
20 sentyabr
Azərbaycan Premyer Liqası
Yeddinci tur
"Kəpəz" - "Şamaxı"
Saat 17:00, Tovuz şəhər stadionu
"Qarabağ" - "Neftçi"
Saat 20:00, "Azərsun Arena"
Rəylər