Beynəlxalq Futbol Tarixi və Statistikaları Federasiyası (IFFHS) 2024-cü ilin ən yaxşı klub baş məşqçisi mükafatına iddiaçıları açıqlayıb.
Oxu.Az xəbər verir ki, kişilərdən ibarət klubların məşqçiləri arasında ən yaxşı olmağa 20 namizəd var.
Siyahıda Karlo Ançelotti, Edin Terziç, Tomas Tuxel, Luis Enrike, Pep Qvardiola, Mikel Arteta, Dieqo Simeone, Unay Emeri, Xabi Alonso, Simone İnzaqi, Can Pyero Qasperini, Dario Rodrigez, Marselo Qalyardo, Artur Jorje, Qabriel Milito, Gilyermo Almada, Marsel Koller, Ernan Krespo, Jorje Jezuş, Albert Ryeranın adları qeyd olunub.
Qadın komandalarını çalışdıran mütəxəssislərdən 10-u mükafata namizəddir: Sonya Bompastor, Artur Elias, Conatan Qiraldez, Emma Hayes, Aleksander Straus, Seb Hines, Xuan Amoros, Milaqros Martines, Xuan Karlos Kaço, Cerri Sabalala.
Qeyd edək ki, ən yaxşılar IFFHS-in ölkələr üzrə nümayəndələri arasında səsvermə ilə müəyyənləşəcək.
Rəylər