İşğaldan azad edilən ərazilərin yaşıl enerji zonasına çevrilməsi ilə bağlı həyata keçirilən işlər davam etdirilir.
İqtisadiyyat.az xəbər verir ki, bu istiqamətdə yeni kiçik su elektrik stansiyalarının (KSES) yaradılması və yenidən qurulması işləri aparılır.
Beləliklə, "Azərenerji" tərəfindən "Çaykənd-2" KSES tikiləcək.
Qurum tikinti işləri üçün 16 763 385,11 manatlıq müqavilə bağlayıb.
Bundan əlavə, "Azərenerji"nin sifarişi əsasında həmçinin "Təkəqaya" və "Ağçay" KSES-lərin yenidən qurulması işləri də aparılacaq.
Bununla bağlı isə 19 839 606,24 manatlıq müqavilə bağlanılıb.
