Türkiyənin ikinci liqasında mübarizə aparan "Çayirova Bələdiyyəsi" komandasının 34 yaşlı peşəkar basketbolçusu İlkan Karamanı sərxoş sürücünün idarə etdiyi avtomobil vurub.
Oxu.Az xəbər verir ki, bu barədə "Hüriyyet" məlumat yayıb.
Məlumata görə, Karaman səkidə dayanıb, yanacaqdoldurma məntəqəsində olan dostunu gözləyirdi. İdarəetməni itirən sərxoş sürücünün idarə etdiyi avtomobil səkiyə çıxaraq Karamanı vurub. İlkan hadisə yerində dünyasını dəyişib.
İlkan karyerası ərzində Türkiyənin "Tofaş", "Karşıyaka", "Fənərbağça", "Beşiktaş" kimi məşhur komandalarında çıxış edib.
Rəylər