Futbol üzrə Azərbaycan millisi növbəti yoldaşlıq oyununu keçirib.
Oxu.Az-ın məlumatına görə, Qazaxıstanla üz-üzə gələn Arif Əsədovun rəhbərlik etdiyi yığmamız 3:2 hesabı ilə qələbə qazanıb.
Macarıstanın Sombatxey şəhərindəki "Haladas SportKomplexum" stadionunda baş tutan qarşılaşmaya aktiv başlayan rəqib komanda 2-ci dəqiqədə Yan Voroqovskiylə hesabı açıb. 28-ci dəqiqədə Maksim Samorodov növbəti dəfə millimizin qapısına yol tapıb.
Bununla belə, ruhdan düşməyən futbolçularımız fasiləyə 3 dəqiqə qalmış Mahir Emreli ilə hesab arasındakı fərqi minimuma endirib. 51-ci dəqiqədə penalti zərbəsini dəqiq yerinə yetirən Emin Mahmudov "status-kvo"nu bərpa edib. Yığmamızın qələbə qoluna isə 73-cü dəqiqədə fərqlənən Toral Bayramov imza atıb.
Qeyd edək ki, Azərbaycan millisi iyunun 7-də Albaniyaya 1:3 hesabı ilə uduzub.
Bu gün futbol üzrə Azərbaycan millisi Macarıstanda sonuncu yoldaşlıq oyununu keçirəcək.
Oxu.Az xəbər verir ki, Azərbaycan-Qazaxıstan oyununda komandalar aşağıdakı heyətlərlə meydana çıxacaqlar:
Azərbaycan: 1. Şahruddin Məhəmmədəliyev, 2. Amin Seydiyev, 15. Bədavi Hüseynov, 5. Anton Krivotsyuk, 3. Elvin Cəfərquliyev, 16. Elvin Camalov, 8. Emin Mahmudov (k), 20. Aleksey İsayev, 17. Toral Bayramov, 10. Mahir Emreli, 11. Ramil Şeydayev
Ehtiyat oyunçular: 12. Rza Cəfərov, 23. Rəşd Əzizov, 4. Bəhlul Mustafazadə, 6. Emil Mustafayev, 7. Coşqun Diniyev, 9. Vüsal İsgəndərli, 14. Elvin Bədəlov, 18. Ceyhun Nuriyev, 19. Emil Səfərov, 21. Qismət Alıyev, 22. Musa Qurbanlı
Qazaxıstan: 1. Zarutski, 11. Voroqovskiy, 3. Nurali Alip, 22. Maroçkin, 24. Kassim, 4, Bıstrov, 8. Taqibergen (k), 18. Sadibekov, 7. Orazov, 10. Samorodov, 17. Abat Aimbetov
Ehtiyat oyunçular: 12. İqor Şatski, 15. Danil Ustimenko, 2. Sergey Maliy, 5. İslambek Kuat, 6. Aybol Abiken, 9. Bayrzhan İslamxan, 13. Roman Asrankulov, 14. Arman Kennesov, 16. Yerkin Tapalov, 19. Ruslan Valuilin, 20. Mixali Qabişev, 21. Elxan Aslanov, 23. Temirlan Yerlanov
Futbol üzrə Azərbaycan millisi bu gün növbəti yoldaşlıq oyununu keçirəcək.
Oxu.Az xəbər verir ki, Arif Əsədovun rəhbərlik etdiyi seçmə komandamız 299-cu rəsmi oyununda Qazaxıstanla üz-üzə gələcək.
Macarıstanın Sombatxey şəhərindəki "Haladas SportKomplexum" stadionunda gerçəkləşəcək qarşılaşma Bakı vaxtı ilə 18:00-da start götürəcək.
Görüşü macarıstanlı hakimlər briqadası idarə edəcək.
Qeyd edək ki, Azərbaycan millisi iyunun 7-də Albaniyaya 1:3 hesabı ilə uduzub.
