Meyxanaçı Xəyyam Əhmədli dəfn olundu

Dünən vəfat edən meyxanaçı Xəyyam Əhmədli dəfn olunub.

O, Əhmədli kənd qəbiristanlığında torpağa tapşırılıb.

Baku TV bununla bağlı görüntüləri təqdim edir:

Meyxanaçı Xəyyam Əhmədli dəfn olundu

Daha çox foto burada: PhotoStock.az

13:32

"Xəyyam Əhmədlinin müalicəsi üçün 70 min manatdan çox pul yığılmışdı. Xeyriyyəçi bir dostumuz dünən zəng edib dedi ki, toplanan məbləğə ehtiyac yoxdur, bütün xərci qarşılamağa hazıram".

Bunu Baku TV-yə açıqlamasında tanınmış meyxanaçı Xəyyam Əhmədli ilə vida mərasimində onun həmkarı Namiq Qaraçuxurlu deyib.

Meyxanaçının sözlərinə görə, X.Əhmədlinin əməliyyatı ailəsinin istəyi ilə Belarusda həyata keçirilməli idi:

"Ürək köçürülməsi üçün maddi tərəfdən bütün xərcləri hazır idi. Sadəcə, əcəl əməliyyat olunmasına imkan vermədi".

Daha ətraflı videomaterialda:

Meyxanaçı Xəyyam Əhmədli dəfn olundu

11:56

Ötən gün vəfat edən meyxanaçı Xəyyam Əhmədli ilə vida mərasimi keçirilir.

Baku TV görüntüləri təqdim edir:

Meyxanaçı Xəyyam Əhmədli dəfn olundu

11:34

Ötən gecə vəfat edən meyxanaçı Xəyyam Əhmədlinin dəfn yeri və vaxtı açıqlanıb.

Bu barədə Axşam.az məlumat yayıb.

Bildirilib ki, Xəyyam bu gün günorta saatlarında Əhmədli kənd qəbiristanlığında torpağa tapşırılacaq.

Qeyd edək ki, Xəyyamın ürəyində problem var idi. Onun qarnına su yığıldığı üçün ürəyini yenidən əməliyyat etmək mümkün deyildi. Meyxanaçının sağalması üçün ona qiyməti 130 min dollar olan aparat lazım idi. Bu günlərdə isə meyxanaçılar həmin məbləği toplamaq üçün kampaniyaya başlamışdı.