Ötən gecə İsrail Hərbi Hava Qüvvələri Livanın şərqindəki Beka bölgəsində hərəkət edən yük maşınına dronla hava hücumu edib.
Bu barədə Oxu.Az "Azad İran" "Telegram" kanalına istinadən xəbər verir.
Bununla bağlı, "Əl-Məyadin" telekanalı da görüntülər paylaşıb. Eyni zamanda, "Reuters" təhlükəsizlik mənbələrinə istinadən hücuma məruz qalan yük maşınının hərbi texnika daşıdığını qeyd edib.
Təhlükəsizlik mənbələrinin sözlərinə görə, yük maşını zədələnmiş raket buraxılış qurğusunu təmir üçün daşıyırmış.
Rəylər