Türkiyədə küçənin ortasında iki gənc silahlı hücuma məruz qalıb.
Oxu.Az-ın "En Son Haber"ə istinadla verdiyi məlumata görə, qorxunc hadisə İstanbulun Esenyurt rayonunda baş verib.
Bildirilir ki, E.B. və Ş.B. adlı iki gənc münaqişədə olduqları V.T. adlı şəxs tərəfindən güllənib.
Hücum anı təhlükəsizlik kameralarına düşüb. Görüntülərdə iki dostun küçədə gəzdiyi zaman yanlarına qaçaraq gələn şəxsin atəş açdığı, daha sonra isə maşının arxasında gizlənməyə çalışan şəxsi də vurduğu görünür.
Hadisə yerinə dərhal polis və tibbi yardım briqadaları cəlb edilib.
Yaralı gənclər təcili olaraq xəstəxanaya çatdırılıblar.
Polis qüvvələri hücum edən şəxsi axtarmağa davam edir. Hadisənin səbəbi və təfərrüatı araşdırılır.
İstanbulda iki gənc küçənin ortasında güllələndi
Rəylər